شارجہ : ( ویب ڈیسک ) پاکستان اور افغانستان کے درمیان 3 ٹی ٹوئنٹی میچز کی سیریز کا پہلا میچ آج شارجہ میں کھیلا جائے گا جبکہ دوسرا اور تیسرا ٹی ٹوئنٹی 26 اور 27 مارچ کو ہوگا، تمام میچز رات 9 بجے شروع ہوں گے۔
دونوں ٹیموں کے درمیان ہونے والی ٹی ٹوئنٹی سیریز کی ٹرافی کی رونمائی کردی گئی ہے ، پاکستان کے کپتان شاداب خان اور افغانستان کے کپتان راشد خان نے ٹرافی کی رونمائی کی۔
افغان کرکٹ بورڈ ( اے سی بی ) کے مطابق ٹرافی افغان فنِ ثقافت اور دستکاری کی بہترین مثال ہے جو کہ ہاتھ سے بنائے گئے قالین سے تیار کی گئی اور ہمارے شاندار افغان ورثے اور روایات کی عکاسی کرتی ہے۔
An ultimate symbol of art & culture
— Afghanistan Cricket Board (@ACBofficials) March 23, 2023
Introducing trophy for the #AFGvPAK T20I series, an exquisite masterpiece of Afghan artistry and craftsmanship. The trophy is made from a handcrafted Afghan carpet, representing the rich heritage & traditions of our nation#AfghanAtalan pic.twitter.com/UpDh1NE2FM
دوسری جانب قومی ٹی 20 کرکٹ ٹیم کے کپتان شاداب خان نے سیریز میں کامیابی کے عزم کا اظہار کرتے ہوئے کہا ہے کہ سیریز کے دوران بے خوف ٹیم کو لیڈ کروں گا، افغانستان ٹیم کے کھلاڑی ہر لیگ میں کھیلتے ہیں اور امارات کی کنڈیشن میں وہ بہت خطرناک ٹیم ہے۔
شاداب نے مزید کہا کہ سینئر کھلاڑیوں کے کم بیک پر اور نوجوان کھلاڑیوں کے لئے پر جوش ہوں، رمضان میں فینز ٹیم کے لئے دعائیں کریں، ہم کوشش کریں گے کہ اچھی کرکٹ کھیلیں۔
یاد رہے کہ افغانستان سے سیریز کیلئے پاکستان کرکٹ ٹیم بدھ کی رات دبئی پہنچی تھی جہاں ٹیم کا شاندار استقبال کیا گیا تھا۔
