لاہور: (ویب ڈیسک) افغانستان کے خلاف ٹی 20 سیریز کے لیے قومی ٹیم کے کپتان شاداب خان کا کہنا ہے کہ کسی بھی کھلاڑی کے لیے قومی ٹیم کی کپتانی سب سے بڑا خواب ہوتا ہے۔
شاداب خان نے پاکستان کرکٹ بورڈ کے ہیڈ کوارٹر میں افغانستان کے خلاف سیریز کے لیے منتخب قومی کھلاڑیوں کے ساتھ اپنی تصاویر شیئر کیں اور ساتھ میں ایک کیپشن بھی تحریر کیا۔
A dream for any Pakistani to captain the national cricket team. Can’t thank Allah enough. Really excited to lead this young team, loads of talent. We will try to play aggressive and progressive cricket. Remember to back the youngsters, they are our future. #PakistanZindabad pic.twitter.com/UZPPuGLXZF
— Shadab Khan (@76Shadabkhan) March 22, 2023
شاداب خان نے لکھا کہ کسی بھی کھلاڑی کے لیے قومی ٹیم کی کپتانی کرنا سب سے بڑا خواب ہوتا ہے، اس پر اللہ کا جتنا بھی شکر کروں کم ہیں،ٹیلنٹ سے بھرپور نوجوان ٹیم کی قیادت کرنے کے لیے بہت پرجوش ہوں، ہم جارحانہ اور مثبت کرکٹ کھیلنے کی کوشش کریں گے۔
خیال رہے کہ پاکستان اور افغانستان کے درمیان 3 ٹی ٹوئنٹی میچز کی سیریز کا پہلا میچ 24 مارچ کو شارجہ کرکٹ اسٹیڈیم میں کھیلا جائے گا، دونوں ٹیموں کے درمیان دوسرا اور تیسرا میچ 26 اور 27 مارچ کو شارجہ میں ہی شیڈول ہے۔
