لاہور:(دنیا نیوز) پی سی بی نے پاکستان اور ویسٹ انڈیز کے درمیان ون ڈے سیریز ملتان منتقل کرنے کا باقاعدہ اعلان کردیا ہے۔
پاکستان کرکٹ بورڈ کی جانب سے باقاعدہ اعلان کیا گیا ہے کہ سیریز کے میچز 8، 10 اور 12 جون کو ملتان کرکٹ سٹیڈیم میں کھیلے جائیں گے، یہ تینوں میچز آئی سی سی مینز کرکٹ ورلڈ کپ سپر لیگ کا حصہ ہیں۔
سیریز میں شامل تینوں میچز شام 4 بجے شروع ہوں گے، سیریز میں شرکت کے لیے مہمان سکواڈ 6 جون کو اسلام آباد پہنچے گا۔
اسلام آباد پہنچنے پر مہمان سکواڈ بذریعہ چارٹرڈ طیارہ ملتان روانہ ہوگا، قومی سکواڈ کا تربیتی کیمپ یکم سے چار جون تک لاہور میں لگایا جائے گا، قومی سکواڈ پانچ جون کو ملتان پہنچے گا۔
منصور رانا ٹیم مینجر، ثقلین مشتاق ہیڈ کوچ، شان ٹیٹ باؤلنگ کوچ ہوں گے، محمد یوسف بیٹنگ کوچ، عبدالمجید فیلڈنگ کوچ، ڈرکس سائمن اسٹرینتھ اینڈ کنڈیشنگ کوچ، کلف ڈیکن فزیو تھراپسٹ، شاہد اسلم اسسٹنٹ ٹو ہیڈ کوچ ، کرنل ریٹائرڈ عمران سکیورٹی مینجر، طلحہ اعجاز اینالسٹ، محمد عمران مساجر، نجیب اللہ سومرو ڈاکٹر ہونگے۔
