کراچی: (دنیا نیوز) پاکستان سٹاک ایکسچینج میں کاروبار کے دوران ہنڈرڈ انڈیکس تاریخ کی نئی بلند ترین سطح پر پہنچ گیا۔
کاروباری ہفتے کے تیسرے روز پاکستان سٹاک مارکیٹ میں کاروبار کا مثبت رجحان دیکھا گیا ہے، جس کے باعث 869 پوائنٹس اضافے کے ساتھ 100 انڈیکس 67 ہزار 756 پوائنٹس کی سطح پر بند ہوا ہے۔
یاد رہے کہ گزشتہ روز کاروباری دن کے اختتام پر 100 انڈیکس 66 ہزار 886 پوائنٹس کی سطح پر بند ہوا تھا۔
سٹاک مارکیٹ میں آج 7 ارب 13 کروڑ 74 لاکھ 40 ہزار 240 روپے مالیت کے 14 کروڑ 9 لاکھ 91 ہزار 439 شیئرز کا لین دین ہوا۔
