اسلام آباد: (دنیا نیوز) پاکستان کا مقامی طور پر تیار کردہ قمری روور چاند کی زمین پر اترنے کو تیار ہے۔
ذرائع کے مطابق سپارکو کا قمری روور چاند کے جنوبی قطب پر سائنسی تحقیق کرے گا، چاند کی سطح کی مٹی کی جانچ اور وسائل کی تلاش کیلئے قمری روور جدید سائنسی آلات سے لیس ہوگا۔
35 کلوگرام وزنی قمری روور چاند کی سطح پر جدید نقشہ سازی اور تحقیق ، چاند پر مستقبل کے مشنز اور انسانی موجودگی کے امکانات کا تجزیہ کرے گا جبکہ پاکستانی سائنسدان زمین سے سپارکو کے قمری روور کو کنٹرول کریں گے۔
سپارکو کا کہنا ہے کہ قمری روور چین کے خلائی مشن "چینگ 8" میں شمولیت کے بعد عالمی خلائی تحقیق کا حصہ بنے گا، سپارکو کا قمری روور چاند پر تحقیق اور وسائل کے تجزیے میں کلیدی کردار ادا کرے گا۔
