لاہور:(دنیا نیوز) کوٹ لکھپت جیل میں قید پاکستان تحریک انصاف کے رہنما سینیٹر اعجاز چودھری کی طبیعت ناساز ہونے پر انہیں ہسپتال منتقل کردیا گیا۔
پی ٹی آئی رہنما کے ترجمان کی جانب سے جاری بیان کے مطابق کوٹ لکھپت جیل میں اعجاز چودھری کی طبیعت ناساز ہوئی جس کے بعد انتظامیہ نے انہیں سخت سکیورٹی میں ہسپتال منتقل کیا۔
دوسری جانب پی ٹی آئی لاہور کے ترجمان نے اس بات کی بھی تصدیق کی ہے کہ اعجاز چودھری کی طبیعت اب قدرے بہتر ہے۔
