اسلام آباد: (دنیا نیوز) چیف جسٹس اسلام آباد ہائی کورٹ جسٹس عامر فاروق کی سربراہی میں ڈویژن بنچ کی کاز لسٹ منسوخ کر دی گئی۔
اسلام آباد ہائی کورٹ کے چیف جسٹس عامر فاروق آج صرف سنگل بنچ میں سماعت کریں گے۔
عدالتی عملے کے مطابق ڈویژن بنچ کے کیسز بغیر کارروائی ملتوی کر دئیے گئے ہیں، نئی تاریخ کا اعلان بعد میں کیا جائے گا۔
واضح رہے 28 اکتوبر کو اسلام آباد ہائی کورٹ نے آئندہ ہفتے کا ججز ڈیوٹی روسٹر جاری کیا تھا۔
روسٹر میں کہا گیا تھا کہ پیر سے 6 سنگل اور 3 ڈویژن بنچ کیسز کی سماعت کے لیے دستیاب ہوں گے، چیف جسٹس اسلام آباد ہائی کورٹ کی ہدایت پر خصوصی ڈویژن بنچ یا لارجر بینچ بھی دستیاب ہو گا۔
