اسلام آباد: (ویب ڈیسک) حکومت نے ریگولر حج سکیم کے تحت تمام 72869 درخواست گزاروں کو کامیاب قرار دینے کا فیصلہ کیا ہے۔
اس بات کا اعلان وزیر خزانہ اسحاق ڈار اور وزیر مذہبی امور مفتی عبدالشکور کے درمیان ہونے والی ملاقات کے بعد کیا گیا۔
وزیر خزانہ اسحاق ڈار نے کہا کہ اس سال حج کے لیے ریگولرسکیم کے تحت 44190 کا کوٹہ تھا، رواں سال حج کے لیے 72869 درخواستیں جمع کرائی گئی ہیں۔
انہوں نے کہا کہ کوٹے سے تقریباً 37 ہزار زیادہ درخواستیں موصول ہوئی ہیں، قرعہ اندازی کے بغیر درخواستیں دینے والے تمام 72869عازمین کو بھیجا جائے گا۔
یہ بھی پڑھیں: حجاج کرام کی تربیت کا آغاز 28 اپریل سے کیا جائے گا
اسحاق ڈار نے کہا کہ وزیر اعظم کی ہدایت اور وزیر مذہبی امور کی خواہش پر اقدام اٹھایا گیا ہے، اس کے لیے اضافی وسائل اور زرمبادلہ کی ضرورت ہوگی۔
وزیر مذہبی امور نے کہا کہ درخواستیں دینے والے تمام عازمین کو اجازت دینے پر وزیر خزانہ کے شکر گزار ہیں، پاکستان سمیت پوری دنیا میں اس وقت معاشی بحران ہے، امید ہے پاکستان کے اچھے دن دوبارہ آئیں گے، ملک ترقی کرے گا اور خوشحال ہو گا۔
