اسلام آباد: (دنیا نیوز) وفاقی وزیر اقتصادی امور حماد اظہر نے کہا ہے کہ عالمی بینک کے مختلف مںصوبوں سے چار کروڑ ڈالر کرونا وائرس کو روکنے کے لیے مختص کر دیے ہیں۔
سماجی شعبے کی ویب سائٹ ٹویٹر پر حماد اظہر نے کہا کہ وفاق کی جانب سے 1 کروڑ 35 لاکھ ڈالر اور پنجاب میں 75 لاکھ ڈالر کے فنڈز استعمال ہوں گے۔
ان کا کہنا تھا کہ یہ فنڈز کرونا وائرس کے علاج اور ضروری آلات کی خریداری کے لئے استعمال ہو سکیں گے۔ یہ فنڈز این ڈی ایم اے اور پی ڈی ایم ایز کے علاوہ ہوں گے۔ حماد اظہر نے کہا کہ یہ فنڈز عالمی بینک اور ایشیائی ترقیاتی بینک کے 60 کروڑ ڈالر پیکج کا حصہ ہیں۔
