لاہور: (ویب ڈیسک) وفاقی وزیر برائے تعلیم و پیشہ وارانہ تربیت شفقت محمود نے کہا ہے کہ 15 ستمبر سے تعلیمی اداروں کو کھولنے کے حوالے سے فیصلہ7 ستمبر کی بین الصوبائی وزرائے تعلیم کانفرنس میں ہو گا، اکتوبر تک سکولوں کو بند رکھنے کی خبروں میں کوئی صداقت نہیں۔
ان خیالات کا اظہار وفاقی وزیر برائے تعلیم و پیشہ وارانہ تربیت نے ٹویٹر پر اپنے ٹویٹ میں کیا۔
شفقت محمود نے کہا کہ ان کے نام سے کئی جعلی سوشل میڈیا اکائونٹ کے ذریعے یہ خبریں چلائی جا رہی ہیں کہ سکول اکتوبر تک بند رہیں گے، ان خبروں میں کوئی صداقت نہیں ۔
Please beware of fake accounts of Federal Education Minister Shafqat Mahmood. His only twitter account is @Shafqat_Mahmood. He has recently refuted rumors regarding schools re-opening decision. Those decisions will be made on 7th September. pic.twitter.com/HrOrYOwH4r
— PTI (@PTIofficial) September 4, 2020
انھوں نے کہا کہ تعلیمی ادارے کھلنے کے حوالے سے بین الصوبائی وزرائے تعلیم کانفرنس7 ستمبر کو ہو گی جس میں یہ فیصلہ کیا جائے گا کہ 15 ستمبر سے سکولوں کو کھولا جائے۔
