لاہور: (ویب ڈیسک) پاکستان شوبز انڈسٹری کی معروف اداکارہ صرحا اصغر کے ہاں دوسری مرتبہ ننھے مہمان کی آمد متوقع ہے۔
اداکارہ صرحا اصغر اکثر و بیشتر اپنے خاوند کے ہمراہ دلچسپ ویڈیوز سوشل میڈیا کی زینت بناتی رہتی ہیں اور اب اپنے ہاں دوسرے بچے کی متوقع پیدائش کا بھی اعلان انہوں نے سوشل میڈیا پر ایک خصوصی پوسٹ کے ذریعے کیا۔
انہوں نے اپنی خوشیوں بھری تصاویر کے ساتھ کیپشن میں سب کو مخاطب کرتے ہوئے کہا کہ یہ میٹرنٹی شوٹ کا ہمارا طریقہ ہے، ہم یہ خوشی کی خبر آپ سب کے ساتھ شیئر کرنے پر بے انتہا پر جوش ہیں۔
