لاہور: (ویب ڈیسک) پاکستان کرکٹ ٹیم کے آل راؤنڈر شاداب خان نے دورہ نیوزی لینڈ کیلئے منتخب ہونے والی ٹیم کیلئے نیک خواہشات کااظہار کیا ہے۔
سماجی رابطوں کی ویب سائٹ ایکس پر ایک پیغام میں شاداب خان نے لکھا کہ ہمارے ہاں روایت ہے کہ جو ٹیم میں منتخب نہ ہوں ان کے حق میں ٹیم میں منتخب ہونے والوں کی مخالفت کی جاتی ہے، لیکن مثبت رہیں اور شاہین سمیت تمام کھلاڑیوں کو سپورٹ کریں۔
انہوں نے مزید لکھا کہ میں ابھی اپنی انجری سے ٹھیک ہورہا ہوں اور جلد ہی 4 روزہ کرکٹ کھیلنا شروع کروں گا۔
— Shadab Khan (@76Shadabkhan) December 19, 2023
واضح رہے کہ گزشتہ روز نیوزی لینڈ کے خلاف ٹی ٹوئنٹی سیریز کے لیے پاکستان سکواڈ کا اعلان کیا گیا تھا۔
