لاہور: (ویب ڈیسک) پاکستان کرکٹ ٹیم کے سابق کپتان اور جارحانہ آل راؤنڈر شاہد خان آفریدی سندھ کے سیلاب زدہ خاندانوں کی مدد کو پہنچ گئے ہیں۔
سماجی رابطے کی ویب سائٹ ٹوئٹر پر آفریدی نے سندھ میں ریسکیو آپریشن شروع کرنے میں مدد کرنے پر اپنی فاؤنڈیشن کے ڈونرز کا شکریہ ادا کیا۔
آپ سب کے ساتھ کی بدولت سیلاب زدگانِ سندھ کے لیے ہماری ریلیف ڈرائیوز کا آغاز ہو چکا ہے۔ اب تک ہم سندھ کے پانچ اضلاع میں راشن اور ادویات فراہم کر چکے ہیں۔ ہمارے اس مشن میں ہمارا ساتھ دیجئے اور اُمیدکو ناٹ آوٹ رکھیے۔#HopeNotOut https://t.co/tIAYseuLYa
— Shahid Afridi (@SAfridiOfficial) August 24, 2022
شاہد آفریدی فاؤنڈیشن (SAF) سیلاب سے متاثرہ خاندانوں کو خوراک اور ادویات فراہم کرنے کے لیے سندھ کے پانچ اضلاع میں پہنچ گئی ہے۔
اس سے قبل سیف نے بلوچستان کے سیلاب زدہ علاقوں میں ریلیف آپریشن شروع کیا، کرکٹر اپنے مداحوں کو SAF کے کام کے بارے میں اپ ڈیٹ کرتے رہے۔
خیال رہے کہ انٹرنیشنل کرکٹ سے ریٹائرمنٹ کے بعد آفریدی سماجی کاموں میں لگ گئے، انہوں نے کورونا کے مشکل وقت میں بھی لوگوں کی خدمت کی۔
