کراچی: (دنیا نیوز) پاکستان سٹاک ایکسچینج میں آج کاروبار کا ملا جلا رجحان رہا تاہم کاروباری روز کا اختتام مثبت زون میں ہوا۔
کاروباری ہفتے کے پانچویں اور آخری روز سٹاک مارکیٹ میں کاروبار کے آغاز پر تیزی دیکھنے میں آئی، 500 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 17 ہزار 479 پوائنٹس کی سطح پر پہنچ گیا۔
بعد ازاں ہنڈرڈ انڈیکس 130 پوائنٹس کی مندی میں چلا گیا تاہم کاروباری روز کا اختتام مثبت زون میں ہوا جس کے باعث ہنڈرڈ انڈیکس 414 پوائنٹس اضافے کیساتھ ایک لاکھ 17 ہزار 315 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر سٹاک ایکسچینج میں ہنڈرڈ انڈیکس 881 پوائنٹس کے اضافے کیساتھ ایک لاکھ 16 ہزار 901 پوائنٹس کی سطح پر بند ہوا تھا۔
سٹاک مارکیٹ میں آج 23 ارب 83 کروڑ 16 لاکھ 94 ہزار 348 روپے مالیت کے 21 کروڑ 27 لاکھ 90 ہزار 465 شیئرز کا لین دین ہوا۔
