کراچی: (دنیا نیوز) عالمی مارکیٹ میں سونے کی قیمتوں میں ریکارڈ اضافے کے باعث پاکستان میں بھی سونے کے نرخ بلند ترین سطح پر پہنچ گئے۔
بین الاقوامی مارکیٹ میں فی اونس سونے کی قیمت 86 ڈالر اضافے کیساتھ 3310 ڈالر کی تاریخی سطح پر پہنچ گئی جبکہ پاکستان میں فی تولہ سونے کی قیمت میں 8 ہزار 600 روپے اور دس گرام سونے کی قیمت میں 7 ہزار 373 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 48 ہزار روپے اور دس گرام سونے کی قیمت 2 لاکھ 98 ہزار 353 روپے کی بلند ترین سطح پر پہنچ گئی۔
