کراچی: (دنیا نیوز) پاکستان سٹاک مارکیٹ میں کاروبار کا منفی زون میں آغاز ہوا ہے۔
کاروباری ہفتے کے پانچویں اور آخری روز سٹاک ایکسچینج میں کاروبار کے آغاز پر ہی مندی دیکھنے میں آئی، جس کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 16 ہزار پوائنٹس کی حد کھو بیٹھا ہے۔
سٹاک ایکسچینج میں 1000 سے زائد پوائنٹس کی کمی کے ساتھ انڈیکس ایک لاکھ 15 ہزار 085 پوائنٹس کی سطح پر آ گیا۔
واضح رہے کہ گزشتہ کاروباری روز کے اختتام پر ہنڈرڈ انڈیکس 2 ہزار 36 پوائنٹس اضافے کیساتھ ایک لاکھ 16 ہزار 189 پوائنٹس کی سطح پر بند ہوا تھا۔
دوسری جانب انٹربینک میں امریکی کرنسی 26 پیسے سستی ہوئی جس کے ساتھ ڈالر 280.56 روپے سے کم ہو کر 280.30 روپے پر آ گیا ہے۔
