کراچی: (دنیا نیوز) پاکستان سٹاک ایکسچینج میں ایک روز کی تیزی کے بعد شدید مندی ریکارڈ کی گئی۔
کاروباری ہفتے کے تیسرے روز کاروبار کے آغاز پر ہی منفی رجحان دیکھنے میں آیا، 2600 سے زائد پوائنٹس کی کمی کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 12 ہزار 891 پوائنٹس کی سطح پر آ گیا۔
تاہم کاروباری روز کے اختتام پر سٹاک مارکیٹ میں ہنڈرڈ انڈیکس 1379 پوائنٹس کی کمی کیساتھ ایک لاکھ 14 ہزار 153 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر پاکستان سٹاک ایکسچینج میں ہنڈرڈ انڈیکس 622 پوائنٹس اضافے کیساتھ ایک لاکھ 15 ہزار 532 پوائنٹس کی سطح پر بند ہوا تھا۔
سٹاک مارکیٹ میں آج 20 ارب 63 کروڑ 89 لاکھ 2 ہزار 301 روپے مالیت کے 26 کروڑ 75 لاکھ 98 ہزار 498 شیئرز کا لین دین ہوا۔
