راولپنڈی: (دنیا نیوز) افغان صدر نے پاکستان کے نگران وزیرِاعظم اور آرمی چیف کو ٹیلی فون کر کے دہشتگردی کے واقعات کی مذمت اور جانی نقصان پر اظہارِ افسوس کیا ہے۔
افغان صدر اشرف غنی نے نگران وزیرِاعظم ناصرالملک کو ٹیلی فون کر کے مستونگ اور خیبر پختونخوا میں انتخابی جلسوں پر دہشتگردوں کے حملے کی سخت الفاظ میں مذمت اور قیمتی جانوں کے نقصان پر افسوس کا اظہار کیا۔
اشرف غنی سے گفتگو کرتے ہوئے نگران وزیرِاعظم نے کہا کہ بزدلانہ حملے ملک کو جمہوریت کی پٹڑی سے اتارنے کی کوشش ہیں۔ نگران حکومت بروقت الیکشن کے عزم پر کاربند ہے، ایسے فعل ہمارے عزم کو کمزور نہیں کر سکتے۔ دونوں رہنماؤں نے خطے میں امن کے مشترکہ دشمنوں کو مل کر شکست دینے پر اتفاق کیا۔
Afghan President called COAS. Expressed his condolences on loss of innocent lives in recent terrorist incidents. Also assured COAS for enhanced boder security measures on Afg side as asst to Pak Security Forces during election period. COAS thanked Afg President for his concern.
— Maj Gen Asif Ghafoor (@OfficialDGISPR) July 16, 2018
