بیجنگ: (ویب ڈیسک) سعودی فرمانروا شاہ سلمان بن عبدالعزیز کی دعوت پر چین کے صدر شی جن پنگ تین روزہ دورے پر کل سعودی عرب پہنچیں گے۔
غیر ملکی میڈیا کے مطابق اپنے دورے کے دوران چین کے صدر شی جنپنگ ایک اجلاس میں بھی شرکت کریں گے جس میں سعودی فرمانروا کے علاوہ ولی عہد محمد بن سلمان بھی موجود ہوں گے۔
سعودی میڈیا رپورٹ کے مطابق چین کے صدر شی جن پنگ خلیجی ممالک اور چین سربراہ اجلاس برائے تعاون اور ترقی کے علاوہ سعودی عرب چینی سربراہ اجلاس برائے تعاون اور ترقی میں شرکت کریں گے۔
ان دونوں اہم اجلاسوں میں چین کے خلیجی ممالک کی تعاون کونسل کے رکن ممالک کے ساتھ تعلقات میں استحکام پر بھی غور کیا جائے گا۔
