راولپنڈی: (دنیا نیوز) آرمی چیف جنرل قمر جاوید باجوہ نے کہا ہے کہ ہم خطے میں امن، ترقی اور استحکام کیلئے متحد اور اسے حقیقت کا روپ دے رہے ہیں۔
ترجمان پاک فوج کی جانب سے جاری ٹویٹ میں بتایا گیا ہے کہ افغان امن عمل کیلئے امریکا کے نمائندہ خصوصی زلمے خلیل زاد نے اپنے وفد کے ہمراہ جی ایچ کیو میں آرمی چیف جنرل قمر جاوید باجوہ سے ملاقات کی۔
اس موقع پر پاکستان کی جانب سے افغانستان میں خصوصی نمائندہ محمد صادق بھی موجود تھے۔ اس موقع پر علاقائی سیکیورٹی اور باہمی دلچسپی کے امور پر تبادلہ خیالات کیا گیا۔
A delegation headed by Ambassador Zalmay Khalilzad, US Special Representative for Afghanistan Reconciliation called on COAS at GHQ, today. Ambassador Mohammad Sadiq, Pak’s Special Representative for Afghanistan was also present. Matters of mutual interest, regional security (1/3) pic.twitter.com/q0gJrzxF3Q
— DG ISPR (@OfficialDGISPR) September 14, 2020
ڈی جی آئی ایس پی آر کے مطابق ملاقات کے دوران افغان امن عمل کیلئے جاری پراسس پر بھی بات چیت کی گئی، زلمے خلیل زاد نے امن عمل کیلئے پاکستان کے کردار اور کوششوں کی تعریف کرتے ہوئے کہا کہ یہ کامیابی پاکستان کی پرخلوص اور غیر مشروط مدد کے بغیر ناممکن تھی۔
اس موقع پر بات کرتے ہوئے آرمی چیف جنرل قمر جاوید باجوہ کا کہنا تھا کہ وزیراعظم عمران خان نے علاقائی امن اور رابطے کیلئے واضح ویژن دیا ہے۔ قومی طاقت کے تمام عناصر اس مقصد کو حقیقت کا روپ دینے کیلئے متحد ہیں۔
...COAS said that Prime Minister Imran Khan has given clear vision regarding peace and connectivity in the region and all elements of national power are united towards making that vision a reality to ensure long awaited peace, progress and prosperity in the region. (3/3)
— DG ISPR (@OfficialDGISPR) September 14, 2020
آرمی چیف جنرل قمر جاوید باجوہ کا کہنا تھا کہ ہم خطے میں امن، ترقی اور استحکام کو حقیقت کا روپ دے رہے ہیں۔
