کراچی: (دنیا نیوز) مصطفیٰ کا اغوا کے بعد قتل ، ملزم ارمغان کے دوست شیراز نے تمام کہانی بیان کر دی۔
ملزم شیراز نے بتایا کہ مصطفیٰ کو کئی گھنٹے تشدد کا نشانہ بنایا، تشدد کرنے کے بعد ہاتھ پاؤں باندھ دیئے، مصطفیٰ کو زخمی حالت میں گاڑی میں ڈالا اور حب میں جلا دیا۔
شیراز نے کہا کہ لالچ اور لگژری لائف نے مجھے متاثر کیا، نوجوانوں کو مشورہ ہے کہ لگژری لائف سے متاثر نہ ہوں۔
یہ بھی پڑھیں: مصطفیٰ قتل کیس: ملزمان ارمغان اور شیراز کے جسمانی ریمانڈ میں 5 روز کی توسیع
ملزم نے بتایا کہ مصطفیٰ کی گاڑی کو آگ لگانے کے بعد کئی گھنٹے پیدل چلتے رہے، ارمغان میرے بچپن کا دوست ہے، کچھ عرصے پہلے ارمغان اور میری دوستی ختم ہو گئی تھی ، ارمغان گھر آیا تو پھر دوبارہ دوستی ہوگئی۔
شیراز نے کہا کہ ارمغان کا لائف سٹائل دیکھ کر متاثر ہوگیا تھا، ارمغان ذہنی طور پر مضبوط انسان ہے، میں نے اور ارمغان نے کئی پارٹیاں ساتھ کی ہیں۔
