لاہور: (دنیا نیوز) سہ ملکی سیریز اور چیمپئنز ٹرافی میں حصہ لینے کے لئے جنوبی افریقا کی ٹیم لاہور پہنچ گئی۔
چیمپئنز ٹرافی سے قبل پاکستان میں ہونے والی سہ ملکی سیریز کے لئے جنوبی افریقا کی کرکٹ ٹیم نے لاہور میں قدم رکھ دیئے ہیں، ٹیم کو سخت حفاظتی حصار میں ہوٹل پہنچا دیا گیا ہے۔
واضح رہے کہ ٹرائنگولر سیریز کی تیسری ٹیم نیوزی لینڈ پہلے ہی لاہور پہنچ چکی ہے، ٹرائنگولر سیریز میں پاکستان، نیوزی لینڈ اور جنوبی افریقا شامل ہیں۔
پہلا میچ کل نیوزی لینڈ اور پاکستان کے درمیان لاہور کے قذافی سٹیڈیم میں کھیلا جائے گا۔
