اسلام آباد: (دنیا نیوز) وزیراعظم عمران خان نے کوئٹہ گلیڈی ایٹرز کو شاندار جیت پر مبارکباد دیتے ہوئے کہا گلیڈی ایٹرز کے مینجر، ویوین رچرڈ بھی مبارکباد کے مستحق ہیں۔
عمران خان نے پاکستان کرکٹ بورڈ، سکیورٹی فورسز کو پی ایس ایل کے کامیاب انعقاد پر مبارکباد دی اور کہا انشااللہ آئندہ پورا پی ایس ایل پاکستان میں ہوگا۔
Congratulations to PCB, all the organisers & security forces for holding a successful PSL extravaganza in Pakistan. Congratulations to Quetta Gladiators & their manager & my friend Viv Richards on their win. InshaAllah, the next PSL will be held entirely in Pakistan.
— Imran Khan (@ImranKhanPTI) March 18, 2019
یاد رہے کوئٹہ گلیڈی ایٹرز نے فائنل میں پشاور زلمی کو 8 وکٹ سے ہرا کر ٹائٹل جیت لیا۔ سرفراز الیون نے 139 رنز کا ہدف 2 وکٹوں پر عبور کیا۔ اِن فارم احمد شہزاد نے ایک اور ہاف سنچری بناتے ہوئے 58 رنز کی ناٹ آؤٹ اننگز کھیلی۔ شین واٹسن ٹورنامنٹ کے بہترین کھلاڑی، حسن علی بیسٹ بولر جبکہ لیوک رونکی نمبر ون وکٹ کیپر قرار پائے۔
کپتان سرفراز احمد نے غیر ملکیوں اور سر ویوون رچرڈ نے پی ایس ایل فور کی کامیابی پر وزیراعظم عمران خان کا شکریہ ادا کیا۔ ساتھ ہی پاکستان میں موجود شاندار کرکٹ ٹیلنٹ پر ناز کیا۔
