پی ٹی آئی کے قومی اور صوبائی اسمبلیوں کے امیدوار فائنل

اسلام آباد: (دنیا نیوز) پارٹی چیئرمین عمران خان نے کہا ہے کہ جن لوگوں کو ٹکٹس نہیں ملے وہ مایوس نہ ہوں بلکہ نئے پاکستان کی تعمیر کے خواب کو شرمندہ تعبیر کرنے کیلئے ہمارے ساتھ نکلیں۔

تفصیلات کے مطابق پاکستان تحریکِ انصاف (پی ٹی آئی) نے قومی اسمبلی کے 173 اور صوبائی اسمبلیوں کے 290 امیدواروں کی فہرست جاری کر دی ہے۔ عمران خان این اے، 53، 35، 95، 131 اور 243 سے انتخاب میں حصہ لیں گے۔

شاہ محمود قریشی این اے 156 ملتان سے میدان میں اتریں گے۔ فواد چودھری این اے 67 جہلم سے مقابلہ کریں گے۔ سابق وزیرِاعلیٰ خیبر پختونخوا پرویز خٹک اور مراد سعید بالترتیب این اے 25 نوشہرہ اور این اے 4 سوات سے تحریکِ انصاف کے امیدوار ہوں گے۔

Paistan Tehreek-e-Insaf s Provincial Assembly candidates: Central Punjab region#PTICandidates2018 pic.twitter.com/CnuqBuKHO6

— PTI (@PTIofficial) June 8, 2018

Pakistan Tehreek-e-Insaf s Provincial Assembly candidates: North Punjab region#PTICandidates2018 pic.twitter.com/ry8NiVj5PI

— PTI (@PTIofficial) June 8, 2018

اس حوالے سے اپنے ویڈیو پیغام میں پی ٹی آئی چیئرمین عمران خان کا کہنا تھا کہ آج پارلیمانی بورڈ نے زیادہ تر حلقوں کے لئے امیدواروں کا فیصلہ کر لیا ہے۔ یہ ایک نہایت اہم مگر کٹھن مرحلہ تھا۔ ہمیں ساڑھے چار ہزار درخواستیں موصول ہوئیں لیکن یہ فطری امر تھا کہ سب کو ٹکٹس دینا ممکن نہیں تھا اور امیدواروں کا انتخاب مشکل مرحلہ تھا۔

Pakistan Tehreek-e-Insaf s Provincial Assembly candidates: South Punjab region#PTICandidates2018 pic.twitter.com/Tk82q1JOfu

— PTI (@PTIofficial) June 8, 2018

عمران خان کا کہنا تھا کہ جن لوگوں کو ٹکٹس نہیں ملے انہیں ساتھ چلنے کی دعوت دیتا ہوں۔ ہم نے بہترین امیدوار میدان میں اتارنے کی کوشش کی۔ مایوس ہونے کی بجائے نئے پاکستان کی تعمیر کے خواب کو شرمندہ تعبیر کرنے کیلئے ہمارے ساتھ نکلیں۔

Pakistan Tehreek-e-Insaf s Provincial Assembly candidates: West Punjab region#PTICandidates2018 pic.twitter.com/DyAc0ZxWPl

— PTI (@PTIofficial) June 8, 2018

یاد رہے کہ سابق وفاقی وزیرِ داخلہ چودھری نثار علی خان نے ٹیکسلہ کے حلقہ این اے 63 سے الیکشن میں حصہ لینے کا اعلان کیا تھا تاہم ان کا کہنا تھا کہ وہ اپنے پارٹی رہنماؤں سے مشاورت کے بعد حتمی فیصلہ کریں گے۔ اس حلقے سے پی ٹی آئی نے غلام سرور خان کو میدان میں اتارا ہے۔

پی ٹی آئی رہنما عمران اسماعیل کے مطابق قومی اسمبلی کے حلقہ این اے 245 سے عامر لیاقت حسین جبکہ فیصل واوڈا کو این اے 249 سے ٹکٹ جاری کر دیے گئے ہیں۔

ادھر تحریکِ انصاف سے ٹکٹ نہ ملنے والوں نے مسلم لیگ (ن) سے رجوع کر لیا ہے۔ ق لیگ چھوڑ کر تحریک انصافِ میں شامل ہونے والے وقاص موکل ن لیگ کے آشیانے میں آ بیٹھے ہیں کیونکہ پی ٹی آئی کی جانب سے وقاص موکل کو ٹکٹ جاری نہیں کیا جس کے بعد انہوں نے اسی روز ہی ن لیگ میں شمولیت اختیار کر لی۔ دوسری جانب لاہور سے عبدالرشید بھٹی تحریکِ انصاف سے ٹکٹوں کا اعلان ہوتے ہی ن لیگ میں آ گئے ہیں۔